દેશમાં લગભગ અઢી કલાક સુધી યુનિફાઇડ પેમેન્ટ્સ ઇન્ટરફેસ એટલે UPI Down હતું. આ સિવાય 10થી વધુ બેંકોની સેવાઓ પણ પ્રભાવિત થઈ હતી. આ ટેકનિકલ ખામી પાછળનું કારણ બહાર આવ્યું નથી. Downdetector અનુસાર, બુધવારે સાંજે 7 થી 9:30 વાગ્યાની વચ્ચે UPI દ્વારા પેમેન્ટ કરવામાં યુઝર્સને સમસ્યાઓનો સામનો કરવો પડ્યો હતો. આ સમયગાળા દરમિયાન મહત્તમ 23,000 ફરિયાદો નોંધાઈ હતી. વપરાશકર્તાઓ ફંડ ટ્રાન્સફર અને લૉગિનને ઍક્સેસ કરવામાં પણ સક્ષમ ન હતા.
આ પણ વાંચો – UPI: 2 હજાર રૂપિયાના ટ્રાન્ઝેક્શન પર દુકાનદારને રૂ. 3 મળશે
નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ જણાવ્યું હતું કે, ‘વપરાશકર્તાઓને અસ્થાયી તકનીકી સમસ્યાઓનો સામનો કરવો પડ્યો હતો, જેના કારણે UPIમાં આંશિક વિક્ષેપ પડ્યો હતો. હવે આ સમસ્યાઓ ઉકેલાઈ ગઈ છે. સિસ્ટમ સ્થિર થઈ ગઈ છે. Google Pay, Paytm ઉપરાંત SBI, HDFC બેંક અને Axis સહિત 10 થી વધુ બેંકોની સેવાઓ પ્રભાવિત થઈ હતી. PhonePe સેવાઓ લગભગ 2 કલાક પછી શરૂ થઈ. જો કે, કેટલાક વપરાશકર્તાઓને પછીથી પણ સમસ્યાઓનો સામનો કરવો પડ્યો હતો.
ભારતમાં RTGS અને NEFT ચુકવણી સિસ્ટમ RBI દ્વારા સંચાલિત છે. IMPS, RuPay, UPI જેવી સિસ્ટમ્સ નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા સંચાલિત થાય છે. સરકારે 1 જાન્યુઆરી, 2020 થી UPI વ્યવહારો માટે શૂન્ય-ચાર્જ ફ્રેમવર્ક ફરજિયાત કર્યું હતું.
