Indian Premier League (IPL) ની ઓપનિંગ મેચ ડિફેન્ડિંગ ચેમ્પિયન કોલકાતા નાઈટ રાઈડર્સ (KKR) અને રોયલ ચેલેન્જર્સ બેંગ્લોર (RCB) વચ્ચે 22 માર્ચે કોલકાતામાં યોજાશે. બીજી મોટી મેચ 23 માર્ચે મુંબઈ ઈન્ડિયન્સ (MI) અને ચેન્નાઈ સુપર કિંગ્સ (CSK) વચ્ચે ચેન્નાઈમાં સાંજે 7.30 વાગ્યે રમાશે.
IPL માં 74 મેચ રમાશે
આ વખતે 65 દિવસમાં 74 મેચ રમાશે. 18 મે સુધી લીગ તબક્કાની 70 મેચો રમાશે, જેમાંથી 12 ડબલ હેડર છે. એટલે કે એક દિવસમાં 2 મેચ 12 વખત રમાશે. ફાઈનલ 25 મેના રોજ કોલકાતામાં રમાશે. IPLમાં એક પરંપરા રહી છે કે ટુર્નામેન્ટની શરૂઆતની અને અંતિમ મેચો ડિફેન્ડિંગ ચેમ્પિયન ટીમના હોમ ગ્રાઉન્ડ પર રમાય છે. આ વખતે પણ આ બંને મેચ કોલકાતાના ઈડન ગાર્ડન્સ સ્ટેડિયમમાં રમાશે. ફાઈનલ 25મી મેના રોજ રમાશે, ક્વોલિફાયર-2 પણ કોલકાતામાં 23મી મેના રોજ રમાશે. ગત સિઝનની રનર અપ ટીમ સનરાઇઝર્સ હૈદરાબાદના હોમ ગ્રાઉન્ડ રાજીવ ગાંધી સ્ટેડિયમમાં પણ બે પ્લેઓફ મેચ રમાશે. ક્વોલિફાયર-1 અહીં 20મી મેના રોજ અને એલિમિનેટર 21મીએ રમાશે.
18મી સિઝનનો પ્રથમ ડબલ હેડર ટૂર્નામેન્ટના બીજા દિવસે 23 માર્ચે થશે. SRH અને RR હૈદરાબાદમાં બપોરે 3.30 વાગ્યાથી ટકરાશે. સાંજે 7.30 વાગ્યાથી મુંબઈ અને ચેન્નાઈ વચ્ચે મેચ રમાશે. માર્ચમાં આ પછી 30મીએ જ ડબલ હેડર થશે. એપ્રિલમાં 5, 6, 12, 13, 19, 20 અને 27 તારીખે દિવસમાં 2 મેચ રમાશે. મે મહિનામાં 4 થી 11મી અને 18મીએ ડબલ હેડર રમાશે. બધા ડબલ હેડર શનિવાર અથવા રવિવારે જ થશે.
આ પણ વાંચો – Jio SpaceX: એરટેલ બાદ જિયો સાથે પણ ડીલ
અમદાવાદ, મુંબઈ, ચેન્નાઈ, બેંગલુરુ, લખનૌ, મુલ્લાનપુર (મોહાલી), દિલ્હી, જયપુર, કોલકાતા, હૈદરાબાદ 10 ટીમોના હોમ ગ્રાઉન્ડ છે. આ સિવાય ગુવાહાટી, વિશાખાપટ્ટનમ અને ધર્મશાલા એટલે કે કુલ 13 સ્થળોએ મેચ રમાશે. ટૂર્નામેન્ટમાં 65 દિવસમાં 13 સ્થળો પર 10 ટીમો વચ્ચે 74 મેચો રમાશે. ગુવાહાટી રાજસ્થાન રોયલ્સ (RR)નું બીજું હોમ ગ્રાઉન્ડ છે, ટીમ અહીં 2 મેચ રમશે. ટીમ 26 માર્ચે કોલકાતા અને 30 માર્ચે ચેન્નાઈ સામે ટકરાશે. ધર્મશાલા એ પંજાબ કિંગ્સ (PBKS)નું બીજું હોમ ગ્રાઉન્ડ છે. ટીમ અહીં 3 મેચ રમશે. વિશાખાપટ્ટનમ એ દિલ્હી કેપિટલ્સ (DC)નું બીજું હોમ ગ્રાઉન્ડ છે. ટીમ અહીં 2 મેચ રમશે.
