પશ્ચિમ બંગાળના Darjeeling માં સોમવારે સવારે 8:55 વાગ્યે એક માલગાડીએ કંચનજંગા એક્સપ્રેસ (13174)ને પાછળથી ટક્કર મારી હતી. રેલ્વેએ જણાવ્યું કે આ Train Accident માં 10થી વધુ લોકોના મોત થયા છે અને 40 થી વધુ મુસાફરો ઘાયલ થયા છે.
Train Accident ના થોડા કલાકો પછી, રેલ્વે બોર્ડના અધ્યક્ષ અને સીઈઓ જયા વર્માએ 5 લોકોના મૃત્યુ અને 25 લોકોના ઘાયલ થવાની પુષ્ટિ કરી. દરમિયાન, પૂર્વ રેલવેના સીપીઆરઓ કૌશિક મિત્રાએ નોર્થ-ઈસ્ટ ફ્રન્ટિયર રેલવેને ટાંકીને જણાવ્યું હતું કે 2 લોકો પાઈલટ અને એક ગાર્ડ સહિત 8 લોકોના મોત થયા છે. આ દરમિયાન 15 લોકોના મોતના સમાચાર પણ આવ્યા હતા.
કંચનજંગા એક્સપ્રેસ દુર્ઘટના બાદ કેન્દ્રીય રેલવે મંત્રી અશ્વિની વૈષ્ણવ આજે બપોરે દાર્જિલિંગ પહોંચ્યા હતા. તે બાઇક પર સ્થળ પર આવ્યો હતો. બચાવ કામગીરીની માહિતી લીધી હતી. અશ્વિની વૈષ્ણવે જણાવ્યું, “હું અકસ્માત સ્થળ પર માત્ર બચાવ કામગીરી માટે ગયો હતો. તેઓ ઘાયલોને મળવા હોસ્પિટલ પણ ગયા હતા. તબીબો, રેલવે સ્ટાફ, રાજ્ય સરકારનો સ્ટાફ અને ગામના લોકોએ તાત્કાલિક બચાવ કાર્ય હાથ ધર્યું હતું.”
કંચનજંગા એક્સપ્રેસ ટ્રેન દુર્ઘટના પર પશ્ચિમ બંગાળના મુખ્યમંત્રી મમતા બેનર્જીએ કહ્યું, “રેલ્વે મંત્રાલયને મુસાફરોની સુવિધાની પરવા નથી. તેઓ અધિકારીઓ, એન્જિનિયરો, ટેકનિકલ સ્ટાફ અને કામદારોની પણ પરવા કરતા નથી. તેઓ પણ મુશ્કેલીમાં છે. તેમનું જૂનું પેન્શન પાછું ખેંચી લેવામાં આવ્યું છે.”
આ પણ વાંચો: Priyanka Gandhi: વાયનાડથી લડશે લોકસભાની પેટા ચૂંટણી
