Paracetamol સહિત 53 દવાઓ ગુણવત્તા પરીક્ષણમાં નિષ્ફળ હોવાનું જાણવા મળ્યું છે. વિટામિન્સ, શુગર અને બ્લડ પ્રેશરની દવાઓ ઉપરાંત એન્ટીબાયોટીક્સ પણ સામેલ છે. દેશની સૌથી મોટી ડ્રગ રેગ્યુલેટરી સંસ્થા સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO) એ તેની યાદી બહાર પાડી છે.
CDSCO ની યાદીમાં Paracetamol કેલ્શિયમ અને વિટામિન D3 સપ્લીમેન્ટ્સ, ડાયાબિટીસ વિરોધી ગોળીઓ અને હાઈ બ્લડ પ્રેશરની દવાઓનો સમાવેશ થાય છે. પ્રતિબંધિત દવાઓની યાદીમાં આંચકી અને ચિંતામાં વપરાતી ક્લોનાઝેપામ ગોળીઓ, પેઇન કિલર ડીક્લોફેનાક, શ્વાસ સંબંધી રોગો માટે વપરાતી એમ્બ્રોક્સોલ, ફંગલ વિરોધી ફ્લુકોનાઝોલ અને કેટલીક મલ્ટી વિટામિન અને કેલ્શિયમ ગોળીઓનો પણ સમાવેશ થાય છે.
આ દવાઓ Hetero Drugs, Alkem Laboratories, Hindustan Antibiotics Limited (HAL), કર્ણાટક એન્ટિબાયોટિક્સ અને ફાર્માસ્યુટિકલ્સ લિમિટેડ જેવી મોટી કંપનીઓ દ્વારા બનાવવામાં આવે છે.
પરીક્ષણમાં નિષ્ફળ
CDSCO એ 48 દવાઓની યાદી બહાર પાડીમેટ્રોનીડાઝોલ, પેટના ચેપ માટે આપવામાં આવતી દવા, જે હિન્દુસ્તાન એન્ટિબાયોટિક્સ લિમિટેડ દ્વારા બનાવવામાં આવે છે, તે પણ આ પરીક્ષણમાં નિષ્ફળ ગઈ છે. એ જ રીતે ટોરેન્ટ ફાર્માસ્યુટિકલ્સની શેલ્કલ ટેબ્લેટ પણ ટેસ્ટમાં નિષ્ફળ ગઈ હતી.
આ પણ વાંચો: Oscars 2025: ભારતની દમદાર મૂવી ઓસ્કર માટે નામાંકિત
CDSCO એ 53 દવાઓની ગુણવત્તાની ચકાસણી કરી હતી, પરંતુ માત્ર 48 દવાઓની યાદી બહાર પાડી હતી. કારણ કે 53 માંથી 5 દવા બનાવતી કંપનીઓએ કહ્યું કે આ તેમની દવાઓ નથી, બલ્કે તેમના નામે નકલી દવાઓ બજારમાં વેચાઈ રહી છે. આ પછી તેને લિસ્ટમાંથી હટાવી દેવામાં આવ્યો હતો.
