બજેટમાં Gold-Silver ની કસ્ટમ ડ્યુટી (ઈમ્પોર્ટ ટેક્સ)માં ઘટાડા બાદ 2 દિવસમાં સોનું 4000 રૂપિયા અને ચાંદી 3600 રૂપિયા સસ્તું થઈ ગયું છે. સરકારે બજેટમાં Gold-Silver પરની કસ્ટમ ડ્યૂટી 15 ટકાથી ઘટાડીને 6 ટકા કરી છે. જેના કારણે ભાવમાં આ ઘટાડો થયો છે.
બજેટના બીજા દિવસે એટલે કે આજે 24મી જુલાઈએ સોનું 408 રૂપિયા ઘટીને 69,194 રૂપિયા થઈ ગયું છે. 23 જુલાઈના રોજ તેમાં 3600 રૂપિયાનો ઘટાડો થયો હતો. આજે ચાંદી 22 રૂપિયા ઘટીને 84,897 રૂપિયા પ્રતિ કિલોગ્રામ પર આવી ગઈ છે. ગઈ કાલે ચાંદીમાં રૂ.3600નો ઘટાડો જોવા મળ્યો હતો.
આ વખતે બજેટમાં સોના અને ચાંદી પર કસ્ટમ ડ્યૂટી 15% થી ઘટાડીને 6% કરવામાં આવી છે. જેના કારણે તેની કિંમતમાં ઘટાડો જોવા મળી રહ્યો છે. પરંતુ કસ્ટમ ડ્યુટીમાં ઘટાડા બાદ આગામી દિવસોમાં સોનાની માંગ ઝડપથી વધશે.
જોકે અત્યારે સોના-ચાંદીમાં ઘટાડો જોવા મળ્યો છે, પરંતુ તેને ડ્યુટી એડજસ્ટમેન્ટ જ કહી શકાય. સોનું થોડા દિવસ ઘટે તો પણ તેને ફરી ઢાંકી દેશે. અમેરિકામાં ચૂંટણી અને વૈશ્વિક તણાવને ધ્યાનમાં રાખીને સોના-ચાંદીના ભાવમાં વધુ ઘટાડો નહીં થાય. આ ખરીદીની સારી તક છે.
આ વર્ષે અત્યાર સુધીમાં સોનાની કિંમત 5,842 રૂપિયા પ્રતિ 10 ગ્રામ વધી છે. વર્ષની શરૂઆતમાં તે રૂ. 63,352 પર હતો. જે હવે 69,194 રૂપિયા પ્રતિ 10 ગ્રામ છે. વર્ષની શરૂઆતમાં ચાંદીનો ભાવ 73,395 રૂપિયા પ્રતિ કિલો હતો. જે હવે 84,897 રૂપિયા પ્રતિ કિલોએ પહોંચી ગયો છે. એટલે કે આ વર્ષે ચાંદીમાં 11,502 રૂપિયાનો વધારો થયો છે.
આ પણ વાંચો: Union Budget: કોને થયો નફો, કોને થયો નુકસાન?
