અમેરિકાની સ્પેસ એજન્સી NASAએ સ્પષ્ટ કર્યું છે કે જૂનમાં માત્ર 8 દિવસ માટે ઈન્ટરનેશનલ સ્પેસ સ્ટેશનની સફર પર ગયેલી Sunita Williams ને 8 મહિના સુધી ત્યાં અટવાઈ રહેવું પડી શકે છે. NASAએ જણાવ્યું હતું કે બોઇંગની ખામીયુક્ત સ્ટારલાઇનર કેપ્સ્યુલ પર બેસીને ઇન્ટરનેશનલ સ્પેસ સ્ટેશન પર ઉડાન ભરેલા બે અવકાશયાત્રીઓને આવતા વર્ષની શરૂઆતમાં SpaceX કેપ્સ્યુલમાં પૃથ્વી પર પાછા ફરવું પડશે.
સ્ટારલાઈનરની પ્રોપલ્શન સિસ્ટમ સાથેની સમસ્યાઓને લીધે યોજના પ્રમાણે પૃથ્વી પર પ્રથમ ક્રૂનું ઉતરાણ કરવું ખૂબ જોખમી બને છે. અવકાશયાત્રીઓ બૂચ વિલ્મોર અને Sunita Williams 5 જૂને સ્ટારલાઈનરમાં સવાર થનાર પ્રથમ ક્રૂ બન્યા. તેઓને આઠ દિવસના પરીક્ષણ મિશન માટે ISS પર મોકલવામાં આવ્યા હતા.
બૂચ વિલ્મોર અને સુનિતા વિલિયમ્સે લગભગ ત્રણ મહિના પહેલા પૃથ્વી છોડી દીધી હતી. ઈન્ટરનેશનલ સ્પેસ સ્ટેશન (ISS)ની તેમની યાત્રા માત્ર એક અઠવાડિયા સુધી ચાલવાની હતી. આ કારણથી બંનેએ અંગત વસ્તુઓ લીધી ન હતી. પરંતુ હવે બંને 11 અઠવાડિયાથી વધુ સમયથી સ્પેસ સ્ટેશન પર છે.
SpaceX Crew Dragon
NASAએ શનિવારે કહ્યું કે સુનીતા અને બૂચને 2025ની શરૂઆત સુધી ISS પર રહેવું પડશે. બંને બોઈંગ સ્ટારલાઈનરને બદલે SpaceX ના ક્રૂ ડ્રેગન કેપ્સ્યુલમાં પરત ફરશે. બંને અવકાશયાત્રીઓ SpaceX Crew Dragon અવકાશયાન દ્વારા ફેબ્રુઆરી 2025 માં પૃથ્વી પર પાછા ફરે તેવી અપેક્ષા છે. નિયમિત અવકાશયાત્રી પરિભ્રમણ મિશનના ભાગરૂપે તે આવતા મહિને લોન્ચ થવાનું છે. ક્રૂ ડ્રેગનની ચાર અવકાશયાત્રી બેઠકોમાંથી બે બુચ વિલ્મોર અને સુનિતા વિલિયમ્સ માટે ખાલી રાખવામાં આવશે.
NASAએ જણાવ્યું હતું કે ISS માટે તેની ઉડાનનાં પ્રથમ 24 કલાકમાં બોઇંગના સ્ટારલાઇનરની પ્રોપલ્શન સિસ્ટમમાં ઘણી ખામી સર્જાઈ હતી. જેના કારણે બંને અવકાશયાત્રીઓ અત્યાર સુધી 79 દિવસ સુધી સ્પેસ સ્ટેશન પર અટવાયેલા છે. જ્યારે બોઇંગ કંપની તેના અવકાશયાનની સમસ્યાઓની તપાસ અને તેને સુધારવા માટે સંઘર્ષ કરી રહી છે.
અવકાશમાં રહેવા માટે તૈયાર
અધિકારીઓએ હ્યુસ્ટનમાં એક પ્રેસ કોન્ફરન્સ દરમિયાન જણાવ્યું કે બૂચ વિલ્મોર અને સુનિતા વિલિયમ્સ સંપૂર્ણપણે સુરક્ષિત છે અને લાંબા સમય સુધી અવકાશમાં રહેવા માટે તૈયાર છે. NASAએ જણાવ્યું હતું કે એરફોર્સના બે ભૂતપૂર્વ પરીક્ષણ પાઇલોટ્સ તેમના વધારાના સમયનો ઉપયોગ સ્ટેશનના અન્ય સાત અવકાશયાત્રીઓ સાથે વિજ્ઞાન પ્રયોગો કરવા માટે કરશે.
આ પણ વાંચો: Gaganyaan: અવકાશયાત્રીઓના ટ્રેનિંગ વીડિયોમાં કંઈક ખાસ
બોઇંગ સ્ટારલાઈનર નિષ્ફળ!
અવકાશમાંથી સુનીતા વિલિયમ્સને પરત લાવવા માટે બોઇંગની ટોચની હરીફ SpaceX પસંદ કરવાનો યુએસ સ્પેસ એજન્સીનો નિર્ણય એ તાજેતરના સમયમાં NASA દ્વારા લેવામાં આવેલા સૌથી મહત્વપૂર્ણ નિર્ણયોમાંનો એક છે. જ્યારે બોઇંગને આશા હતી કે તેનું સ્ટારલાઇનર પરીક્ષણ મિશન વર્ષોની વિકાસ સમસ્યાઓ અને 2016 થી $1.6 બિલિયન કરતાં વધુના બજેટ વધારા પછી મુશ્કેલીમાં મુકાયેલા પ્રોગ્રામને બચાવશે, પરંતુ સ્ટારલાઈનરના 28 થ્રસ્ટર્સમાંથી પાંચ ફ્લાઇટ દરમિયાન નિષ્ફળ ગયા. તેમાં કેટલાય હિલીયમ લીક થયા હતા. જેનો ઉપયોગ થ્રસ્ટર્સ પર દબાણ લાવવા માટે થાય છે.
આ પણ વાંચો: National Space Day: ધરતી અને અવકાશમાં વાગ્યો ભારતનો ડંકો
