ભારતીય કોમ્યુનિસ્ટ પાર્ટી (માર્કસવાદી)ના મહાસચિવ Sitaram Yechury નું 72 વર્ષની વયે નિધન થયું છે. ન્યુમોનિયાની ફરિયાદ બાદ 19 ઓગસ્ટના રોજ તેમને દિલ્હી AIIMS માં દાખલ કરવામાં આવ્યા હતા. 25 દિવસથી તેની સારવાર ચાલી રહી હતી. પરિવારે CPI(M) નેતાના મૃતદેહને હોસ્પિટલને દાનમાં આપ્યો છે. Sitaram Yechury ત્રણ વખત પાર્ટીના મહાસચિવ રહી ચૂક્યા છે. તે જ સમયે, CPI(M) દ્વારા જારી કરાયેલા એક નિવેદનમાં કહેવામાં આવ્યું હતું કે ‘કોમરેડ સીતારામ યેચુરીને ગંભીર શ્વસન ચેપ હતો. ડોક્ટરોની ટીમ તેની સારવાર કરી રહી હતી.
Sitaram Yechury AIIMS માં હતા દાખલ
Sitaram Yechury, જ્યારે AIIMS માં દાખલ હતા, ત્યારે પશ્ચિમ બંગાળના ભૂતપૂર્વ મુખ્ય પ્રધાન બુદ્ધદેવ ભટ્ટાચાર્યને 22 ઓગસ્ટના રોજ તેમના નિધન પર શ્રદ્ધાંજલિ આપી હતી. તેણે 6 મિનિટ 15 સેકન્ડના વીડિયો સંદેશમાં કહ્યું હતું કે, ‘એ ખૂબ જ દુર્ભાગ્યપૂર્ણ છે કે મારે બુદ્ધદા પ્રત્યે મારી લાગણી વ્યક્ત કરવી પડી અને AIIMS માંથી જ લાલ સલામ બોલવી પડી.’
પ્રધાનમંત્રી નરેન્દ્ર મોદીએ આપી શ્રદ્ધાંજલિ
પ્રધામંત્રી નરેન્દ્ર મોદીએ સોશિયલ મીડિયા X પર લખ્યું “શ્રી સીતારામ યેચુરીજી ના નિધનથી દુઃખી. તેઓ ડાબેરીઓના અગ્રણી પ્રકાશ હતા અને રાજકીય સ્પેક્ટ્રમમાં જોડાવા માટેની તેમની ક્ષમતા માટે જાણીતા હતા. તેમણે એક અસરકારક સંસદસભ્ય તરીકે પણ ઓળખ બનાવી હતી. આ દુઃખદ ઘડીમાં મારી સંવેદના તેમના પરિવાર અને પ્રશંસકો સાથે છે. ઓમ શાંતિ.”
આ પણ વાંચો: Ayushman Bharat Yojana: દેશના વડીલો માટે સારા સમાચાર
સીતારામ યેચુરીની પત્ની સીમા ચિશ્તી વ્યવસાયે પત્રકાર છે. યેચુરીએ એક ઈન્ટરવ્યુમાં કહ્યું હતું કે તેમની પત્ની તેમને આર્થિક મદદ કરે છે. તેમના પ્રથમ લગ્ન વીણા મજુમદારની પુત્રી ઈન્દ્રાણી મજમુદાર સાથે થયા હતા. આ લગ્નથી તેમને એક પુત્રી અને એક પુત્ર છે. યેચુરીના પુત્ર આશિષનું 22 એપ્રિલ, 2021ના રોજ 34 વર્ષની વયે કોવિડ-19ને કારણે અવસાન થયું હતું.
