ભારત સરકાર, ULFA અને આસામ વચ્ચે ત્રિપક્ષીય શાંતિ કરાર પર આજે શુક્રવારે હસ્તાક્ષર કરવામાં આવ્યા છે. 40 વર્ષમાં પ્રથમ વખત ULFAના પ્રતિનિધિઓ-આસામ સરકાર વચ્ચે કરાર પર હસ્તાક્ષર કરવામાં આવ્યા છે. પૂર્વોત્તરમાં ભારત સરકારના શાંતિ પ્રયાસો તરફ આ એક મોટું પગલું છે.
ULFA છેલ્લા ઘણા વર્ષોથી ઉત્તર પૂર્વમાં સશસ્ત્ર સુરક્ષા દળો સામે હિંસક સંઘર્ષ કરી રહ્યું હતું. દિલ્હીમાં એક મહત્વપૂર્ણ બેઠક યોજાઈ હતી. બેઠકમાં ગૃહમંત્રી અમિત શાહ, આસામના મુખ્યમંત્રી હિમંતા બિસ્વા સરમા, ગૃહ સચિવ અજય ભલ્લા, આસામના DGP જી. પી. સિંહ અને ULFA જૂથના સભ્યો હાજર હતા.
વડાપ્રધાન નરેન્દ્ર મોદીએ કર્યું ટ્વીટ
“આજનો દિવસ શાંતિ અને વિકાસ તરફ આસામની યાત્રામાં એક મહત્વપૂર્ણ સીમાચિહ્નરૂપ છે. શાંતિ કરાર, આસામમાં કાયમી પ્રગતિનો માર્ગ મોકળો કરે છે. હું આ સીમાચિહ્નરૂપ સિદ્ધિમાં સામેલ તમામના પ્રયાસોની પ્રશંસા કરું છું. અમે બધા માટે એકતા, વૃદ્ધિ અને સમૃદ્ધિના ભવિષ્ય તરફ આગળ વધીએ છીએ.”
1979માં ULFAની થઈ હતી રચના
ULFA 1979માં સ્થાપિત થયેલ એક આતંકવાદી સંગઠન છે. આ સંગઠન આસામને ભારતથી મુક્ત કરવા માટે લડે છે. 1980ના દાયકાની શરૂઆતમાં, ULFAએ હિંસક સંઘર્ષ શરૂ કર્યો. સુરક્ષા દળો અને નાગરિકો સામે હુમલાઓનો સમાવેશ થાય છે. સંઘર્ષમાં હજારો લોકો માર્યા ગયા અને હજારો લોકો વિસ્થાપિત થયા.
2019માં, ULFAના પ્રમુખ રુપિન બોરાએ સરકાર સાથે વાતચીત શરૂ કરી. 2023માં, ભારત સરકાર, આસામ સરકાર અને ULFA વચ્ચે ત્રિપક્ષીય શાંતિ કરાર પર હસ્તાક્ષર કરવામાં આવ્યા. આ કરાર હેઠળ, ULFAએ હિંસાનો ત્યાગ કરવા અને ભારતીય સંઘમાં અસામના સંપૂર્ણ સ્વીકારને સ્વીકાર્યો.
આસામના ભવિષ્ય માટે ઉજ્જવળ દિવસો: અમિત શાહ
ULFA ઉગ્રવાદનો અંત એ ઉત્તર-પૂર્વ ભારતમાં શાંતિ અને સ્થિરતા માટે એક મહત્વપૂર્ણ પગલું છે. શાંતિ કરારથી આસામમાં રહેતા લોકો માટે નવી આશા અને સંભવનાઓ ઊભી થશે. ઉગ્રવાદના અંત માટે ઘણા પરિબળો જવાબદાર છે. ભારત સરકારની શાંતિ પ્રક્રિયા તરફની પ્રતિબદ્ધતા, ULFAના નેતૃત્વમાં ફેરફારો અને આસામના લોકોમાં શાંતિ અને સમન્વય માટેની વધતી જતી ઇચ્છાનો સમાવેશ થાય છે. ULFA ઉગ્રવાદનો અંત એ એક મહત્વપૂર્ણ સિદ્ધિ છે જે ઉત્તર-પૂર્વ ભારત માટે શાંતિ અને સ્થિરતાના નવા યુગની શરૂઆત કરે છે.
આ પણ વાંચો: ‘ફીર આયેગા મોદી’: 2024ની લોકસભા ચૂંટણી માટે BJPનું નવું પ્રચાર ગીત
