UPSCએ 2023 બેચના ટ્રેઇની IAS ઓફિસર Pooja Khedkar વિરુદ્ધ FIR દાખલ કરી છે. UPSCએ આરોપ લગાવ્યો છે કે Pooja Khedkar એ પોતાની ઓળખ બદલીને UPSC દ્વારા નિર્ધારિત મર્યાદા કરતા વધુ વખત સિવિલ સર્વિસ પરીક્ષા આપી હતી. દિલ્હી પોલીસની ક્રાઈમ બ્રાન્ચે પૂજા વિરુદ્ધ બનાવટી, છેતરપિંડી, આઈટી એક્ટ અને ડિસેબિલિટી એક્ટ હેઠળ કેસ નોંધ્યો છે.
આ ઉપરાંત UPSCએ પૂજાને પણ નોટિસ પાઠવી છે અને પસંદગી રદ કરવા અંગે જવાબ માંગ્યો છે. UPSCએ કહ્યું કે પૂજા વિરુદ્ધ સંપૂર્ણ તપાસ કરવામાં આવી હતી. તેણે પોતાનું નામ, માતા-પિતાનું નામ, સહી, ફોટો, ઈમેલ આઈડી, મોબાઈલ નંબર અને સરનામું બદલીને યુપીએસસીની પરીક્ષા આપી હોવાનું જાણવા મળ્યું હતું.
વાસ્તવમાં પૂજા પર ટ્રેનિંગ દરમિયાન પોતાના પદ અને ખરાબ વર્તનનો દુરુપયોગ કરવાનો આરોપ હતો. પહેલા પુણેના જિલ્લા કલેક્ટર સુહાસ દિવસેએ પૂજા વિરુદ્ધ ફરિયાદ કરી હતી, ત્યારપછી તેને વાશિમ ટ્રાન્સફર કરવામાં આવી હતી.
આ પછી પૂજા ખેડકર પર પોતાની ઓળખ છુપાવવાનો અને OBC અને વિકલાંગતા ક્વોટાનો દુરુપયોગ કરવાનો આરોપ લાગ્યો હતો. કેન્દ્રીય સમિતિ આ અંગે તપાસ કરી રહી છે. 16 જુલાઈના રોજ, પૂજાની તાલીમ બંધ કરવામાં આવી હતી અને તેને મસૂરીમાં લાલ બહાદુર શાસ્ત્રી નેશનલ એકેડેમી ઑફ એડમિનિસ્ટ્રેશન (LBSNAA) માં પરત બોલાવવામાં આવી હતી. જો કે તેઓ હજુ વાશીમમાં જ છે.
આ પણ વાંચો: IAS Pooja Khedkar: પૂજાની ટ્રેનિંગ રદ્દ, એકેડેમી બોલાવવામાં આવી
