North-East ભારતમાં આઠ રાજ્યોમાં 25 લોકસભા બેઠકો છે. તેમાંથી આસામમાં 14 બેઠકો છે. આ સિવાય મણિપુર, અરુણાચલ પ્રદેશ, મેઘાલય અને ત્રિપુરામાં બે-બે બેઠક છે. જ્યારે નાગાલેન્ડ, સિક્કિમ અને મિઝોરમમાં એક-એક બેઠક છે. આ 25 બેઠકોમાંથી પ્રથમ તબક્કામાં 14 બેઠકો પર 19 એપ્રિલે અને બીજા તબક્કામાં 11 બેઠકો માટે 26 એપ્રિલે મતદાન થવાનું છે. અરુણાચલ પ્રદેશની બે બેઠકોમાંથી 2014માં ભાજપ અને કોંગ્રેસે એક-એક બેઠક જીતી હતી. પરંતુ 2019માં ભાજપ બંને બેઠકો કબજે કરવામાં સફળ રહી હતી. ભાજપ આ વખતે પણ 2019ના પરિણામોનું પુનરાવર્તન કરવાનો પ્રયાસ કરી રહી છે.
ભાજપે ઈનર મણિપુર પર પોતાનો ઉમેદવાર ઉતાર્યો
મેઘાલયની વાત કરીએ તો કોનરેડ સંગમાની NPPએ 2014 અને 2019માં શિલોંગમાં કોંગ્રેસને હરાવ્યું હતું. અહીં કોંગ્રેસ માત્ર તુરા બેઠક જીતી શકી હતી. અરુણાચલમાંથી NPPના ઉમેદવારો પાછા ખેંચ્યા બાદ ભાજપે મેઘાલયમાં પણ પોતાના ઉમેદવારો પાછા ખેંચી લીધા છે. હિંસાગ્રસ્ત મણિપુરમાં, આ વખતે ભાજપે 2019ની ફોર્મ્યુલા અપનાવીને ઈનર મણિપુરમાંથી પોતાનો ઉમેદવાર ઉતાર્યો છે. તે જ સમયે, આઉટર મણિપુર તેના સહયોગી નાગા પીપલ્સ ફ્રન્ટને આપવામાં આવ્યું છે. 2014માં, મણિપુરની બંને બેઠકો કોંગ્રેસે જીતી હતી.
ત્રિપુરામાં ભાજપની સ્થિતિ ઘણી મજબૂત
ત્રિપુરામાં ભાજપે 2017ની વિધાનસભા ચૂંટણીમાં CPMને સત્તા પરથી હટાવી દીધી હતી. આ પછી, વર્ષ 2019માં, તેમણે લોકસભા ચૂંટણીમાં પણ બંને લોકસભા બેઠકો જીતી હતી. આ લોકસભા ચૂંટણીમાં પણ અહીં ભાજપની સ્થિતિ ઘણી મજબૂત છે. ઈન્ડીજીનિયસ પીપલ્સ ફ્રન્ટ ઓફ ત્રિપુરા સાથે આવ્યા બાદ ભાજપનો પ્રભાવ વધ્યો છે. પશ્ચિમ ત્રિપુરા બેઠક માટે 19મી એપ્રિલે અને પૂર્વ ત્રિપુરા બેઠક માટે 26મી એપ્રિલે મતદાન થશે. ઉત્તરપૂર્વ ભારતમાં સિક્કિમ અને મિઝોરમ અપવાદ છે. મિઝોરમમાં ભાજપ અને મિઝો નેશનલ ફ્રન્ટ બંને ચૂંટણી મેદાનમાં છે. સિક્કિમમાં પણ ભાજપે સિક્કિમ ક્રાંતિકારી મોરચા સાથે સંબંધ તોડીને અલગથી ચૂંટણી લડવાનો નિર્ણય લીધો છે.
આસામની 14 બેઠકો પર મતદાન થશે
આસામની 14 બેઠકો પર મતદાન થશે. જેમાં પ્રથમ અને બીજા તબક્કામાં 5-5 અને ત્રીજા તબક્કામાં 4 બેઠકો પર મતદાન થશે. આસામમાં સીમાંકન બાદ તમામ 14 બેઠકોના સમીકરણો બદલાઈ ગયા છે. લોકસભા ચૂંટણીમાં પહેલીવાર બેઠકોના સીમાંકનની અસર ચૂંટણી પરિણામોમાં પણ જોવા મળી શકે છે. વર્ષ 2014માં ભાજપે 7 અને વર્ષ 2019માં 9 બેઠકો જીતી હતી. આસામમાં કોંગ્રેસને બંને વખત 3-3 બેઠકો મળી હતી. આસામ ગણ પરિષદની સાથે કોંગ્રેસે પણ મુસ્લિમ ઉમેદવારને મેદાનમાં ઉતારીને AIUDFની મુશ્કેલીઓ વધારી દીધી છે.
પૂર્વોતર રાજ્યોનું મહત્વ
ભાજપ માટે, 2024ની લોકસભા ચૂંટણીના રાજકીય ગણિતમાં પૂર્વોત્તરનું ખૂબ મહત્વ છે. કારણ કે આઠ રાજ્યોમાં કુલ 25 લોકસભા બેઠકો છે, જે દેશના બાકીના એક મધ્યમ કદના રાજ્યની બરાબર છે. ભાજપ એ પણ સારી રીતે જાણે છે કે જો લોકસભાની ચૂંટણીમાં અન્ય રાજ્યોમાં તેની સામે સત્તા વિરોધી વલણ જોવા મળે છે. તો તે રાજ્યોમાં થયેલા નુકસાનની ભરપાઈ કરવા માટે North-East ભાજપ માટે મહત્વપૂર્ણ સાબિત થઈ શકે છે.
આ પણ વાંચો: Gujarat: રાજ્યની 26 બેઠક પર ચિત્ર સ્પષ્ટ
