Neeraj Chopra એ પેરિસ ઓલિમ્પિકની ભાલા ફેંક સ્પર્ધામાં ભારત માટે સિલ્વર મેડલ જીત્યો છે. 26 વર્ષના નીરજે 89.45 મીટર બરછી ફેંકીને બીજું સ્થાન મેળવ્યું હતું. આ સાથે નીરજ સતત બે ઓલિમ્પિકમાં મેડલ જીતનારો ત્રીજો ભારતીય ખેલાડી બન્યો છે. નીરજ પહેલા કુસ્તીબાજ સુશીલ કુમાર અને શટલર પીવી સિંધુએ સતત બે ઓલિમ્પિકમાં મેડલ જીત્યા હતા.
𝘼𝙣𝙤𝙩𝙝𝙚𝙧 𝙥𝙤𝙙𝙞𝙪𝙢 𝙛𝙞𝙣𝙞𝙨𝙝 𝙛𝙤𝙧 𝙉𝙚𝙚𝙧𝙖𝙟!
— Olympic Khel (@OlympicKhel) August 8, 2024Neeraj Chopra secures silver medal in men's javelin throw, and registers his season best with 89.45m on the way to the podium!#Athletics | #Paris2024 | #Samsung | #TogetherforTomorrow pic.twitter.com/qAJcpjStdK
નીરજની સિદ્ધિ પર પીએમ નરેન્દ્ર મોદીએ કહ્યું- ‘નીરજ શ્રેષ્ઠતાનું ઉદાહરણ છે. તેણે પોતાની પ્રતિભા વારંવાર બતાવી છે. નીરજની માતાએ કહ્યું- ‘અમારા માટે ચાંદી સોના સમાન છે, જેણે સોનું જીત્યું તે મારો પુત્ર પણ છે.’ પિતાએ કહ્યું- ‘ઈજાના કારણે મુશ્કેલી હતી, નીરજનો મેડલ વિનેશની ભાવનાને સમર્પિત છે.’
પાકિસ્તાનના અરશદ નદીમે ભાલા ફેંકમાં ગોલ્ડ મેડલ જીત્યો હતો. તેણે 92.97 મીટર ભાલો ફેંકીને ઓલિમ્પિક રેકોર્ડ બનાવ્યો. અરશદના 2 થ્રો 90 મીટરથી વધુ હતા. ગ્રેનાડાના એન્ડરસન પીટર્સે 88.54 મીટર બરછી ફેંકીને બ્રોન્ઝ મેડલ જીત્યો હતો.
આ પણ વાંચો: Indian Hockey Team: દેશના રાષ્ટ્રીય રમતમાં જીત્યો બ્રોન્ઝ
ભારતના Neeraj Chopra અને પાકિસ્તાનના અરશદ નદીમ 2016થી જુનિયર સ્તરે એકબીજાની સામે છે. ત્યારથી બંને વચ્ચે ગાઢ મિત્રતા છે. 2016 સાઉથ એશિયન ગેમ્સમાં નીરજ પ્રથમ અને નદીમ ત્રીજા ક્રમે રહ્યો હતો. ટોક્યો ઓલિમ્પિક સુધી બંને 7 વખત ટકરાયા, દરેક વખતે નીરજ જીત્યો. નદીમ ટોક્યોમાં પાંચમા સ્થાને હતો.
— ESPN India (@ESPNIndia) August 8, 2024
Arshad Nadeem – 92.97
Anderson Peters – 88.54
One of the most thrilling men's javelin finals of all time! https://t.co/sT1lyQb6Tu | #Paris2024 pic.twitter.com/MrNgboU4KV
પેરિસ ઓલિમ્પિક પહેલા બંને વર્લ્ડ એથ્લેટિક્સ ચેમ્પિયનશીપમાં બે વાર સામસામે આવી ગયા હતા. 2022માં નીરજ બીજા ક્રમે અને નદીમ પાંચમા ક્રમે રહ્યો હતો. 2023 માં નદીમ નજીક આવ્યો અને બીજા ક્રમે રહ્યો, પરંતુ અહીં પણ નીરજે જીત મેળવી અને પ્રથમ સ્થાન મેળવ્યું.
