ભારતે અવકાશમાં નવો રેકોર્ડ બનાવ્યો છે. ISRO ના SpaDeX મિશને ઐતિહાસિક ડોકીંગ સફળતા હાંસલ કરી છે. ISRO એ પ્રથમ વખત પૃથ્વીની ભ્રમણકક્ષામાં સફળતાપૂર્વક બે ઉપગ્રહો મૂક્યા. આ સાથે ભારત આ સિદ્ધિ મેળવનાર અમેરિકા, રશિયા અને ચીન પછી ચોથો દેશ બની ગયો છે. ભારત માટે આ ખરેખર ગર્વની ક્ષણ છે. પ્રધાનમંત્રી મોદીએ આ ઐતિહાસિક સિદ્ધિ માટે ISRO ને અભિનંદન પાઠવ્યા છે.
પ્રધાનમંત્રી મોદીએ કહ્યું કે ઉપગ્રહોના સ્પેસ ડોકીંગની સફળતા માટે આપણા ઈસરોના વૈજ્ઞાનિકો અને સમગ્ર અવકાશ સમુદાયને અભિનંદન. આવનારા વર્ષોમાં ભારતના મહત્વકાંક્ષી અવકાશ મિશન માટે આ એક મહત્વપૂર્ણ પગલું છે. આ મિશનની ટ્રાયલ 12 જાન્યુઆરીએ પૂર્ણ થઈ હતી.
હકીકતમાં, 12 જાન્યુઆરી, રવિવારના રોજ, બંને સ્પેડેક્સ ઉપગ્રહો, ચેઝર અને ટાર્ગેટ, એકબીજાની ખૂબ નજીક આવ્યા હતા. બંને ઉપગ્રહોને પહેલા 15 મીટર અને પછી 3 મીટરની નજીક લાવવામાં આવ્યા હતા. આના એક દિવસ પહેલા એટલે કે શનિવારે સ્પેસ ડોકિંગ એક્સપેરિમેન્ટ (SpaDeX) મિશનમાં સામેલ બે ઉપગ્રહો વચ્ચેનું અંતર 230 મીટર હતું. અગાઉ આ મિશન પણ બેથી ત્રણ વખત સ્થગિત કરવામાં આવ્યું હતું.
આ પણ વાંચો – Saif Ali Khan: તેમના જ ઘરમાં છરીના ઘા મારવામાં આવ્યા
શ્રીહરિકોટાના સતીશ ધવન સ્પેસ સેન્ટરથી લોન્ચ કરાયેલા આ મિશનમાં બે નાના ઉપગ્રહોનો સમાવેશ થાય છે. આ દરેકનું વજન અંદાજે 220 કિલો છે. આ મિશન ઈસરો માટે એક મોટો પ્રયોગ છે. આ મિશન ભારતીય સ્પેસ સ્ટેશનની સ્થાપના અને ચંદ્રયાન-4ની સફળતા માટે એક સીમાચિહ્નરૂપ સાબિત થશે. આ ડોકિંગ-અનડોકિંગ ટેકનિકનો ઉપયોગ ચંદ્રયાન-4 મિશનમાં કરવામાં આવશે. આ મિશનની ટેક્નોલોજીનો ઉપયોગ નાસાની જેમ પોતાનું સ્પેસ સ્ટેશન બનાવવા માટે કરવામાં આવશે. આ ટેક્નોલોજી મનુષ્યને ચંદ્ર પર મોકલવા માટે પણ જરૂરી છે.
