Test Cricket માંથી Virat Kohli Retirement લીધી છે. કોહલીએ સોમવારે Instagram પર લખ્યું – ટેસ્ટ ક્રિકેટે મારી કસોટી કરી છે, મને આકાર આપ્યો છે, મને એવા પાઠ શીખવ્યા છે જે હું જીવનભર યાદ રાખીશ. 10 મેના રોજ કોહલીએ BCCI ને કહ્યું હતું કે તે ટેસ્ટ ક્રિકેટમાંથી નિવૃત્તિ લેવા માંગે છે. બોર્ડે કોહલીને પોતાના નિર્ણય પર પુનર્વિચાર કરવા કહ્યું હતું.
ડિસેમ્બર/જાન્યુઆરીમાં ઓસ્ટ્રેલિયામાં યોજાયેલી બોર્ડર-ગાવસ્કર શ્રેણીમાં વિરાટનું પ્રદર્શન સારું નહોતું. આ શ્રેણીમાં તેણે 23.75 ની સરેરાશથી રન બનાવ્યા. 8 માંથી 7 વખત તે ઓફ સ્ટમ્પની બહાર બોલ પર આઉટ થયો હતો. કોહલીએ BGTમાં 9 ઇનિંગ્સમાં 190 રન બનાવ્યા હતા. આમાં એક સદીનો સમાવેશ થાય છે. વિરાટ કોહલીએ 123 ટેસ્ટ મેચ રમી છે. તેણે 30 સદી અને 31 અડધી સદી ફટકારી હતી. વિરાટે 7 બેવડી સદી ફટકારી છે. તેમને 2017 અને 2018 માં ટેસ્ટ પ્લેયર ઓફ ધ યર તરીકે પસંદ કરવામાં આવ્યા હતા.
આ પણ વાંચો – Vaibhav Suryavanshi: રાજસ્થાન રોયલ્સના ‘વૈભવ’ એ રચ્યો ઈતિહાસ
BCCI એ વિરાટ કોહલીનો આભાર માન્યો. બોર્ડે લખ્યું – ટેસ્ટ ક્રિકેટમાં એક યુગનો અંત આવ્યો છે, પરંતુ વારસો ચાલુ રહેશે. ટીમ ઈન્ડિયામાં તેમણે આપેલું યોગદાન હંમેશા યાદ રાખવામાં આવશે.
વિરાટે લખ્યું, ‘મેં 14 વર્ષ પહેલા ટેસ્ટ ક્રિકેટમાં પહેલીવાર બેગી બ્લુ જર્સી પહેરી હતી. સાચું કહું તો, મેં ક્યારેય કલ્પના પણ નહોતી કરી કે આ ફોર્મેટ મને આવી સફર પર લઈ જશે. તેણે મારી કસોટી કરી, મને ઓળખ આપી, અને મને એવા પાઠ શીખવ્યા જે હું મારા બાકીના જીવન માટે મારી સાથે રાખીશ. સફેદ જર્સીમાં રમવું એ મારા માટે ખૂબ જ ખાસ અને વ્યક્તિગત અનુભવ છે. મહેનત, લાંબા દિવસો, નાની ક્ષણો જે કોઈ જોતું નથી, પણ તે હંમેશા તમારી સાથે રહે છે.
જેમ જેમ હું આ ફોર્મેટથી દૂર જઈ રહ્યો છું, તે સરળ નથી, પરંતુ હાલમાં તે યોગ્ય લાગે છે. મેં મારું સર્વસ્વ આપી દીધું છે અને તેણે મને મારી અપેક્ષા કરતાં વધુ આપ્યું છે.હું રમત માટે, મેદાન પરના લોકો માટે અને આ સફરમાં મને ટેકો આપનારા દરેકનો આભારી છું. હું હંમેશા મારા ટેસ્ટ કારકિર્દીને સ્મિત સાથે જોઈશ. તેણે આગળ પોતાનો જર્સી નંબર ‘269’ લખ્યો અને ‘સાઇનિંગ ઓફ’ લખ્યું.
