ઉત્તર પ્રદેશના Hathras માં ભોલે બાબાના સત્સંગ બાદ ભાગદોડ મચી ગઈ હતી. કચડાઈ જવાથી 122 લોકોના મોત થયા હતા. મૃત્યુ પામેલાઓમાં મોટાભાગની મહિલાઓ છે. ઘણા લોકોની હાલત નાજુક છે. આવી સ્થિતિમાં મૃત્યુઆંક વધી શકે છે. હાથરસ જિલ્લાથી 47 કિલોમીટર દૂર આવેલા ફુલરાઈ ગામમાં મંગળવારે બપોરે લગભગ 1 વાગ્યે આ અકસ્માત થયો હતો.
અકસ્માત બાદ હોસ્પિટલોમાં સ્થિતિ ભયાનક બની ગઈ હતી. મૃતદેહો અને ઇજાગ્રસ્તોને બસો અને ટેમ્પોમાં ભરીને સિકંદરૌ CHC અને એટાહ જિલ્લા હોસ્પિટલ, અલીગઢ મેડિકલ કોલેજમાં મોકલવામાં આવ્યા હતા. CHCની બહાર જમીન પર મૃતદેહો અહીં-ત્યાં વિખરાયેલા હતા.
મોટાભાગના મૃતકો Hathras, બદાઉન અને પશ્ચિમ યુપી જિલ્લાના છે. અહીં ફરજ પરના કોન્સ્ટેબલ રજનીશ (30)ને ઇટામાં મૃતદેહોના ઢગલા જોઈને હાર્ટ એટેક આવ્યો હતો. તેના મિત્રો તેને ડૉક્ટર પાસે લઈ ગયા, પરંતુ તેનું મોત થઈ ગયું.
PM મોદીએ હાથરસ અકસ્માતમાં વળતરની જાહેરાત કરી છે. મૃતકોના પરિવારજનોને 2-2 લાખ રૂપિયાની સહાયની જાહેરાત કરવામાં આવી છે. તે જ સમયે ઘાયલોને 50-50 હજાર રૂપિયાની આર્થિક સહાયની વાત કરવામાં આવી છે. પીએમએ આ દુર્ઘટના પર ઊંડું દુઃખ વ્યક્ત કર્યું છે.
હાથરસ દુર્ઘટના મુદ્દા સીએમ યોગી તેમના નિવાસસ્થાને વરિષ્ઠ અધિકારીઓ સાથે બેઠક કરી રહ્યા છે. તેઓ ઘટનાસ્થળે મોકલવામાં આવેલા ત્રણ મંત્રીઓ, મુખ્ય સચિવ અને ડીજીપીના સતત સંપર્કમાં છે. મુખ્યમંત્રીએ નિર્દેશ આપ્યો છે કે આ ઘટના માટે કોઈ પણ જવાબદાર હોય, તેને બક્ષવામાં આવશે નહીં. તેની સામે કડક કાર્યવાહી કરવામાં આવશે.
આ પણ વાંચો: Rahul Gandhi: 90 મિનિટના ભાષણ ઉઠાવ્યા અનેક મુદ્દા
