1999ના Kandahar Hijack પર આધારિત OTT શ્રેણી IC 814 પરના વિવાદ બાદ, સોમવારે માહિતી અને પ્રસારણ મંત્રાલયે Netflix પાસેથી જવાબ માંગ્યો હતો. મંત્રાલયે નેટફ્લિક્સ ઈન્ડિયાના કન્ટેન્ટ હેડ મોનિકા શેરગીલને સમન્સ પાઠવ્યું છે અને તેમને 3 સપ્ટેમ્બર મંગળવારના રોજ હાજર રહેવા જણાવ્યું છે.
નેટફ્લિક્સ પર 29 ઓગસ્ટે રિલીઝ
મંત્રાલયે કહ્યું કે ભારતીય સામગ્રી વડાએ શ્રેણીના વિવાદાસ્પદ પાસાઓ પર જવાબ આપવો જોઈએ. IC 814 સિરીઝ નેટફ્લિક્સ પર 29 ઓગસ્ટે રિલીઝ કરવામાં આવી છે, જે Kandahar Hijack પર આધારિત છે.આ પ્લેન હાઇજેક કરનારા આતંકવાદીઓના નામ ઇબ્રાહિમ અખ્તર, શાહિદ અખ્તર, સન્ની અહેમદ, ઝહૂર મિસ્ત્રી અને શાકિર હતા, પરંતુ વેબસિરીઝમાં તેમના નામ બદલવામાં આવ્યા છે. આતંકવાદીઓનું નામ ભોલા અને શંકર છે. આ પછી, સોશિયલ મીડિયા પર તેનો બહિષ્કાર કરવાની માંગ થઈ રહી છે.
ભાજપે ઉઠાવ્યો વાંધો
સીરિઝ રિલીઝ થયા પછી, ભાજપના IT સેલના વડા અમિત માલવિયાએ તાજેતરમાં વાંધો ઉઠાવ્યો હતો.
આ સિરીઝની વાર્તા 24 ડિસેમ્બર 1999ની સત્ય ઘટના પર આધારિત છે. જ્યારે કાઠમંડુના ત્રિભુવન ઈન્ટરનેશનલ એરપોર્ટથી નવી દિલ્હી જતી વખતે પાંચ આતંકવાદીઓએ ઈન્ડિયન એરલાઈન્સની ફ્લાઈટ IC 814નું હાઈજેક કર્યું હતું. જેમાં 176 મુસાફરો મુસાફરી કરી રહ્યા હતા.
આ પણ વાંચો: Paris Paralympics 2024: પાંચમાં દિવસે 06 મેડલ
આતંકીઓ પ્લેનને અમૃતસર, લાહોર, દુબઈ થઈને કંદહાર લઈ જાય છે. મુસાફરોને સાત દિવસ સુધી બાનમાં રાખવામાં આવ્યા હતા. આ સમયગાળા દરમિયાન પ્લેનની અંદર મુસાફરોની શું સ્થિતિ છે? તેમના પરિવારોનું શું થશે? આ મુસાફરોને મુક્ત કરવા માટે સરકાર સમક્ષ શું શરત રાખવામાં આવી છે? આ બધું આ સિરીઝમાં બતાવવામાં આવ્યું છે.
Flight into Fear – The Captain’s Story
આ સિરીઝની વાર્તા વરિષ્ઠ પત્રકાર શ્રીંજોય ચૌધરી અને દેવી શરણના પુસ્તક ‘ફ્લાઇટ ઇનટુ ફિયર – ધ કૅપ્ટન્સ સ્ટોરી’માંથી લેવામાં આવી છે. સિરીઝના દિગ્દર્શક અનુભવ સિન્હા છે. આ 6 એપિસોડની સિરીઝમાં નસીરુદ્દીન શાહ, પંકજ કપૂર, વિજય વર્મા, દિયા મિર્ઝા, પત્રલેખા, અરવિંદ સ્વામી અને કુમુદ મિશ્રાએ મુખ્ય ભૂમિકા ભજવી છે.
