રાષ્ટ્રપતિ દ્રૌપદી મુર્મુએ નવી દિલ્હીના વિજ્ઞાન ભવનમાં Swachh Survekshan 2024-25 પુરસ્કાર પ્રદાન કર્યા હતા. આ સર્વેક્ષણ દુનિયાના સૌથી મોટા શહેરી સ્વચ્છતા સર્વેક્ષણનું નવમુ સંસ્કરણ હતું. આ વર્ષે ચાર શ્રેણીઓમાં કુલ 78 પુરસ્કારો એનાયત કરાયા છે. સ્વચ્છતા સર્વેક્ષણ 2024 એવોર્ડ એનાયત કરવામાં આવ્યા જેમાં ગુજરાતના 4 શહેરોનો સમાવેશ થાય છે. 10 લાખથી ઉપરની વસ્તી ધરાવતાં સૌથી સ્વચ્છ શહેરોમાં અમદાવાદે બાજી મારી છે.
2015માં અમદાવાદનો નંબર 15મો હતો, જ્યાંથી Swachh Survekshan 2024-25 માં પ્રથમ નંબરે આવ્યું છે. ગત વર્ષે સ્વચ્છતા સર્વેક્ષણમાં દેશના સૌથી સ્વચ્છ શહેર તરીકે એવોર્ડ મેળવનાર સુરત શહેરને સતત બીજા વર્ષે સ્વચ્છતા સર્વેક્ષણનો એવોર્ડ મેળવ્યો છે. સુરત મેયર દક્ષેશ માવાણીએ સર્વેક્ષણનો એવોર્ડ મેળવ્યો છે. દેશમાં સ્વચ્છતામાં પ્રથમ નંબર ઇન્દોરે પહેલો નંબર જાળવી રાખ્યો છે. જેમાં સુપર સ્વચ્છ લીગમાં સુરત અને ગાંધીનગર તો મોટાં શહેરોમાં અમદાવાદનો સમાવેશ થયો છે.
Ahmedabad દેશનું સૌથી સ્વચ્છ શહેર છે. ગુજરાતના સૌથી મોટા શહેર અમદાવાદને 10 લાખથી વધુની વસ્તી હોય તે કેટેગરીમાં પ્રથમ સ્થાન મળ્યું છે. આ સિવાય Surat દેશમાં બીજા નંબરનું સૌથી સ્વચ્છ શહેર છે. આ સાથે જ સોલિડ વેસ્ટ મેનેજમેન્ટ ક્ષેત્રે પણ સુરતને એવોર્ડ મળ્યો છે. ગુજરાતના પાટનગર Gandhinagar ને સુપર સ્વચ્છ લીગ હેઠળ 3 થી 10 લાખની વસ્તી હોય તે શ્રેણીમાં પુરસ્કાર મળ્યો છે. જ્યારે સ્વચ્છતા સર્વેક્ષણમાં પ્રોમિસિંગ કેટેગરીમાં Vadodara 10માં સ્થાને છે. ગુજરાતને મળેલા આ એવોર્ડ્સ કેબિનેટ મંત્રી Rushikesh Patel એ સ્વીકાર્યા હતા અને ખુશી વ્યક્ત કરી હતી.
આ પણ વાંચો – Kiara-Sid: જીવનની સૌથી ખાસ ઘડી, દીકરી આવી ઘરે
‘સ્વચ્છ સર્વેક્ષણ’ મિશનનો ઉદ્દેશ્ય મોટા પાયે નાગરિકોની ભાગીદારીને પ્રોત્સાહન આપવાનો છે. સમાજના તમામ વર્ગોને સ્વચ્છતા અંગે જાગૃત કરવાનો પ્રયાસ છે. નવમા વર્ષમાં પ્રવેશતા સ્વચ્છ સર્વેક્ષણે સ્વચ્છતા, કચરા વ્યવસ્થાપન અને સેવા વિતરણનું મૂલ્યાંકન કર્યું. તેમાં 10 પરિમાણો અને 54 સૂચકાંકોનો ઉપયોગ કરીને 4,500 થી વધુ શહેરોને આવરી લેવામાં આવ્યા હતા.
