ભારતના ગ્રુપ કેપ્ટન Shubhanshu Shukla Axiom 4 Mission (Ax-4) હેઠળ આંતરરાષ્ટ્રીય અવકાશ યાત્રા પર નીકળ્યા છે. આ મિશન 25 જૂન 2025 ના રોજ કેનેડી સ્પેસ સેન્ટર્સથી NASA, SpaceX અને Axiom Space કંપનીની મદદથી લોન્ચ કરવામાં આવ્યું હતું. શુભાંશુ શુક્લાને અવકાશમાં મોકલનાર કંપની Axiom Space એક ખાનગી એરોસ્પેસ કંપની છે. તેનું મુખ્ય મથક ટેક્સાસના હ્યુસ્ટનમાં આવેલું છે.
આ કંપનીની સ્થાપના 2016 માં કરવામાં આવી હતી. તેનું કામ અવકાશ યાત્રા અને સંશોધનને પ્રોત્સાહન આપવાનું છે. જેના હેઠળ આ કંપની ઇન્ટરનેશનલ સ્પેસ સ્ટેશન (ISS) માટે ખાનગી મિશનનું આયોજન કરે છે અને ભવિષ્યમાં ખાનગી અવકાશ સ્ટેશનો વિકસાવશે.
એક્સિઓમ સ્પેસ 500 થી વધુ કર્મચારીઓને રોજગારી આપે છે, જેમાં નાસાના ભૂતપૂર્વ અવકાશયાત્રીઓ, ઇજનેરો અને અવકાશ નિષ્ણાતોનો સમાવેશ થાય છે. કંપનીના સહ-સ્થાપક અને સીઈઓ માઈકલ સુફ્રેડિની નાસામાં ISS પ્રોગ્રામ મેનેજર રહી ચૂક્યા છે. આ કંપની એક્સિઓમ સ્પેસે નાસા અને સ્પેસએક્સ સાથે મળીને અનેક મિશનનું આયોજન કર્યું છે. શુભાંશુ શુક્લા સાથેનું Axiom 4 મિશન કંપનીનું ચોથું કોમર્શિયલ મિશન છે. કંપનીએ સ્પેસએક્સના ફાલ્કન-9 રોકેટ અને ક્રૂ ડ્રેગન અવકાશયાનની મદદથી Axiom 4 મિશન લોન્ચ કર્યું છે.
આ પણ વાંચો – Israel Iran War: યુદ્ધવિરામ શરૂ થતાની સાથે થયું ઉલ્લંઘન!
એક્સિઓમ સ્પેસે મિશન લોન્ચ કરવામાં કરોડો ડોલરનું રોકાણ કર્યું છે. 2021 માં, કંપનીનું મૂલ્યાંકન લગભગ $1 બિલિયન હતું, પરંતુ હવે તેનું મૂલ્યાંકન વધીને $1.26 બિલિયન (રૂ.10 હજાર કરોડ) થઈ ગયું છે. આ કંપનીએ અવકાશ અને સંશોધનમાં રોકાણ આકર્ષ્યું છે અને ઝડપથી વિકસતી ખાનગી અવકાશ કંપની બની છે. એક્સિઓમ-4 મિશન માટે, ભારતે એક સીટ માટે લગભગ $70 મિલિયન (રૂ.550 કરોડ) ચૂકવ્યા છે.
