ભારતનો શ્રીલંકા પ્રવાસ 26 જુલાઈથી શરૂ થશે. ગુરુવારે, શ્રીલંકન ક્રિકેટ બોર્ડે India VS Sri Lanka 3 ODI અને 3 T20 મેચોની શ્રેણીનું શેડ્યૂલ જાહેર કર્યું. તે જ સમયે, પ્રવાસ પહેલા, શ્રીલંકાના T-20 કેપ્ટન વાનિન્દુ હસરંગાએ પણ કેપ્ટનશીપ છોડી દીધી હતી. India VS Sri Lanka ની શ્રેણીમાં ભારતીય ટીમના નવનિયુક્ત મુખ્ય કોચ ગૌતમ ગંભીરની પ્રથમ સોંપણી હશે. આ ઉપરાંત શ્રીલંકાના પૂર્વ બેટ્સમેન સનથ જયસૂર્યા પણ આ પ્રવાસથી પોતાની આંતરરાષ્ટ્રીય કોચિંગ કારકિર્દીની શરૂઆત કરશે.
શેડ્યૂલ મુજબ, T20 શ્રેણીની પ્રથમ મેચ 26 જુલાઈના રોજ સાંજે 7:00 વાગ્યે પલ્લેકેલેમાં રમાશે. કોલંબોમાં 1 ઓગસ્ટથી વનડે શ્રેણી શરૂ થશે. હાલમાં આ પ્રવાસ માટે બંને ટીમોની જાહેરાત કરવામાં આવી નથી.
ગૌતમ ગંભીર 2 દિવસ પહેલા જ ટીમ ઈન્ડિયાનો મુખ્ય કોચ બન્યો હતો. ભારતીય કોચ તરીકે ગંભીરની આ પહેલી સોંપણી હશે. 42 વર્ષના ગંભીરે ધ વોલ તરીકે જાણીતા રાહુલ દ્રવિડનું સ્થાન લીધું છે. T20 વર્લ્ડ કપ બાદ દ્રવિડનો કાર્યકાળ ખતમ થઈ ગયો. ગંભીરનો કાર્યકાળ જુલાઈ 2027 સુધી ચાલશે.
આ પણ વાંચો: Gautam Gambhir: ટીમ ઈન્ડિયાનો મુખ્ય કોચ, દ્રવિડનો કાર્યકાળ ખતમ
BCCI ગયા અઠવાડિયે T-20 વર્લ્ડ કપ જીતનાર ભારતીય ટીમના વરિષ્ઠ ખેલાડીઓ, કેપ્ટન રોહિત શર્મા, વિરાટ કોહલી અને જસપ્રિત બુમરાહને શ્રીલંકા પ્રવાસથી આરામ આપી શકે છે. હાર્દિક પંડ્યા અથવા કેએલ રાહુલને વનડે ટીમની કેપ્ટનશીપ આપવામાં આવી શકે છે.
